﻿Zabur 8
l KOHORMATAN DO KINORINGAN, OM I GUNA DO RINIBA

(Pemimpin)
O Tuhan raja-za, banalko avasi i ngaran-Nu, sid pentongkop do pomogunan,

(Jemaat)
Sampai sid surga nga mongindazou Dikau.

(Pemimpin)
I munung dit anganak ragang-po om sumusui, nga Ikau-no o momihot do kakansangan.

(Jemaat)
Tu sumaap di sangod-Nu.

(Pemimpin)
O Tuhan, monikid ong sumirot-oku sid avan om vulan

(Jemaat)
Om i korimbutuon di ginama di unturu-Nu,

(Pemimpin)
Nga mongitung oku dot nunu-po o kogunaan-Nu, do kakal-ko-po mongohondom ko di riniba.

(Jemaat)
Sampai manau-nopo dit anganak do riniba.

(Pemimpin)
Ikau-no minamangkat di riniba do tanggungjawab ioti di sokoviai i vinangun-Nu.

(Jemaat)
Sokoviai i barang do pomogunan nitahak-Nu kavi sid kuasa do riniba.

(Pemimpin)
I sapi om domba om ongodupot sid govuton

(Jemaat)
Om it ongombolog om it ongosada sid rahat

(Pemimpin)
Om nunu-nopo i suvang do vaig. O Tuhan raja-za, banalko avasi i ngaran-Nu, sid pentongkop do pomogunan.

(Jemaat)
Sampai sid surga nga mongindazou Dikau.

(Pemimpin)
# 9

(Jemaat)
PINTADUWA DO MONORIMAKASI SABAP OTIMBANG I KINORINGAN

(Pemimpin)
! Bahagi di maangagazad do kuaya. Isuhut di dolou di Mut-Laben. Zabur di Daud.

(Jemaat)
O TUHAN, mongindazou oku Dikau dot ensanan i ginavo ku,om monuturan di sokoviai i kosunduvo i ginama Nu.

(Pemimpin)
Mindolongoi oku dot ohigak gima Ikau, om mindolongoi dot indazou Dikau i Banalko Asavat.

(Jemaat)
Sabap ong kodung mimbulai Ko, sumuri no i sangod ku; kasadu yoti om ahaba sampai apatai.

(Pemimpin)
Ikau no o hakim dot otimbang o pongohoturan, om Ikau no o minanahapan dohon.

(Jemaat)
Ikau no i minongohukum dit ongobansa dit amu kotutun Dikau, om minominasa dit ulun maangagama dot ara'at; yoti dino amu no pihohondom vagu.

(Pemimpin)
I sangod za natanus no sampai penlaid, Ikau no minongorungoi dit ongokota dioti sampai pinolingan no tantu yoti.

(Jemaat)
Topot i TUHAN o mangahatul sampai penlaid; Niingkakat Dau it oogomon Dau do raja do mongohukum diti pomogunan.

(Pemimpin)
Otimbang i gama Dau mangahatul di pomogunan, om enizo i gama Dau mangaratu do hukum sid razat.

(Jemaat)
I TUHAN o sunsudon dit ongoulun di nousiba do pokilikupan di hiza do sid kosusa'an.

(Pemimpin)
O TUHAN, yoti i kotutun Dikau kaasip sid Dikau; isai nopo i rumikot sid Dikau nga amu Nu iduanan.

(Jemaat)
Indozoho no i TUHAN i mangahatul sid Sion! Pahabaro no i nagama Dau sid ipat-ipat i bansa!

(Pemimpin)
Andaman di Kinoringan yoti it asansara; Amu poolingan Dau it ihad dioti, hukumon Dau it ulun dit orongit o gama sid dioti.

(Jemaat)
O TUHAN, sianai oku no! Imatai no i sangod ku momogos dohon. O TUHAN sopulai oku no antad sid kapatazan,

(Pemimpin)
supaya kopongindazou oku Dikau sid tinoguvangon dit ongoulun sid Yerusalem. Gumara oku humigak tu nosopulan oku Dikau.

(Jemaat)
It ongobansa dit amu kotutun Dikau aratu sid luvang dit inukad dioti kondiri. Momurunsut yoti, topot yoti kondiri o nokosulung.

(Pemimpin)
Niintalang di TUHAN i kondiri Dau dot otimbang i gama Dau mangaratu do hukum, it ulun tara'at kosulung di ginama dau kondiri.

(Jemaat)
Kapatazan o kosungguvo di sokoviai tulun i mangagama dot ara'at, om kaavi it ulun di mangamu-amu do Kinoringan.

(Pemimpin)
It ulun mosikim okonko sampai penlaid do poolingan, om it ulun dot aso banal nunu-nopo okonko sampai penlaid dot aso harapan.

(Jemaat)
O TUHAN, ingkakat no om rotuai no do hukum it ongobansa. Kada no posimozo'o i riniba do kalabus antad sid hukuman.

(Semua)
O TUHAN, indoronoko no yoti, popurimanai no dioti dot yoti dino baiko riniba.

